السبت , أغسطس 24 2019
الرئيسية / اختراعات / اختراعات غير مصنفة / الدولفين المصرى . فكرة تغير مفهوم الإعلان فى مصر

الدولفين المصرى . فكرة تغير مفهوم الإعلان فى مصر


أجمل ما فى الإنسان ، قدرته على التفكير وأجمل ما فى التفكير الإبتكار والإختراع والخروج عن المألوف بشكل يزيد الدنيا جمالا ويجعل ممارسه الحياه شىء ممتع وسهل . وهذا ما فعله الأستاذ عبد الله على عبد الرحمن الطالب بكلية الهندسة والذى يعشق الجمال بشكل جعله يفكر فى ابتكار طريقه جديده للإعلانات. مع ما تحمله من لمسات جماليه كذلك لها عائد مالى دائم ومرتفع … يقول الإستاذ عبد الله عن فكرته.

فكرة مشروع الدولفين المصري

تعتمد فكرة انشاء مشروع الدولفين المصري على نفس فكرة إنشاء قطار الملاهى بمعنى أننا يمكننا أن نجعل من الكباري التي تمر من على نهر النيل قاعدة اساسية لتأسيس حلقة معدنية تحيط الكوبري ويسير عليها نموذج الدولفين المصنع بحيث يظهر الدولفين المصري كأنه خرج من نهر النيل وقفز أعلى الكوبري ونزل الى المياه مرة أخرى وهكذا يستمر مسار نموذج الدولفين المصنع

 

يتم تعليق الليزر على القضيب المعدني لتجميل الشكل ولتلوين نموذج الدولفين بألوان عدة في كل مرة يسير فيها الدولفين ويكمل دورته يتم تعليق شاشة عرض على الاتجاهين وربطهم بالقضيب المعدني حتى يتم استغلالهم بطريقة مثلى في الدعايا والاعلان وبالتالي يمر الدولفين المصنع أعلى هذه الاعلانات محققاً لمسة سحرية للاعلانات المطبوعة وستكون النتيجة أننا نحقق الهدف الاقتصادي للمشروع وهو عرض الاعلانات بطريقة متميزة عن باقي شركات الدعايا والاعلان ولهذا مشروعنا سيعتبر نقلة في عالم الدعايا والاعلان

يمكننا مشاركة الاخبار اليومية على الشاشات لزيادة نسبة المشاهدة الاعلانية وربط المواطن العادي بالاخبار التي تدور حوله وبالتالي تزيد أسعار الاعلانات المعروضة وهي تحقق أفضل نتيجة للدعايا والاعلان على الشاشة الالكترونية

يمكننا الاستغناء عن مجسم الدولفين بوضع مجسم أخــر حسب المناسبة الموجوده في وقتها…مثلاً يمكننا وضع مجسم لبابا نويل في مناسبة الاحتفال برأس السنة .. او مثلاً يمكننا وضع مجسم خروف اصطناعي في عيد الاضحى…الخ

يمكننا الاتفاق مع شركة اتصالات هاتفية بإمكانية ارسال رسائل على رقم محدد بحيث يمكنها الظهور في الشاشة الالكترونية من فترة لأخرى وبذلك قد نكون أحدثنا شيء جديد في الشارع المصري وربحنا ثقة مواطن مصري وربحنا من خلال الرسائل المرسلة عبر الهاتف المحمول

يمكن لمجسم الدولفين المصري النزول الى ماء نهر النيل بعد إكمال دورته في نافورة دائرية راقصة على سطح المياه تحقق هدفين

1ـ تعتبر إرشاد للمراكب او البواخر بعدم التعرض لهذه المساحة المائية نظراً لوجود مشروع ما.. 2

ـ تعطي شكلاً جمالياً عند نزول الدولفين الى الماء او حتى اثناء إكمال دورته في الهواء

 

الهدف من مشروع الدولفين المصري

1ـ هدف إقتصادي ..

يحقق مشروع الدولفين المصري ربح شهري من خلال تأجير البنرات الاعلانية الخاصة بالمشروع والتي تقدر تقريباً ب2 مليون جنيه شهرياً بحسب المعلومات التي قمنا بجمعها من أشخاص ذو خبرة في مجال الدعايا والاعلان

2ـ هدف سياحي

مشروع الدولفين المصري سيكون علامة تميز القاهرة والاسكندرية فهو سيكون علامة سياحية في مصر لها كامل التقدير والاحترام في التصميم والتنفيذ الهندسي

3ـ هدف معنوي

سيحقق مشروع الدولفين المصري هدف ليس بالاهمية القليلة وهو كسب ثقة المواطن المصري في الشركة المنفذه للمشروع لأن قل ما نجد شركة تهتم بالراحة النفسية للمواطن المصري وهذا المكسب المعنوي وحب المواطن للمشروع سيعود بالتأكيد بالنفع الشامل للشركة المنفذه وسيكسب الشركة التقدم بطريقة غير مباشرة

4ـ هدف عملي

مشروع الدولفين المصري سيغير من شكل الاعلانات المتواجدة بكثرة في شوارع القاهرة والاسكندرية فإمكاننا الان ان نغير شكل الاعلانات من ثابته خلال شاشة الى متحركة من خلال مجسمات تطير من أعلى الكباري

المميزات والعيوب

أولاً :ـ مميزات مشروع الدولفين المصري

1ـ كسب ثقة الشارع المصري في بداية للتطوير وأعتبر أن هذه أكبر استفادة للشركة المنفذة

2ـ الربح الشهري من الاعلانات المؤجرة المعروضة على شاشة العرض

3ـ يمكننا مضاعفة الاعلان خلال المشروع الواحد بعمل الشاشة من الجهتين أمامي وخلفي

4ـ سهولة إنشاء وتنفيذ المشروع هندسياً

5ـ وجود كباري بكثرة يمكن أن ينشأ عليها مشروع الدولفين المصري مثل كوبري عباس والجامعة وقصر النيل و15 مايو والدائري منيب بالقاهرة..وكوبري استانلي بالاسكندرية مما سيحقق ربح مضاعف

6ـ ستنل الشركة المنفذة مكانة خاصة بين شركات العالم باكمله في كيفية تنفيذ مشروع بهذه الجاذبية وبهذا الحجم الضخم وبذلك فمشروع الدولفين المصري يعتبر مكسباً للشركة المنفذه له من الدرجة الاولى ثانياً :ـ

العيوب 

ـ التفاوض مع المؤسسات الحكومية قد يكون صعباً بعض الشيء1

2ـ يحتاج التصميم والتنفيذ الى دقة متناهية تحسباً لحدوث أى خطأ لا قدر الله


شاهد أيضاً

ابتكار جراج متنقل يحمل 16 سيارة لحل مشكلة تكدس الشوارع بالسيارات

ابتكار جراج متنقل يحمل 16 سيارة لحل مشكلة تكدس الشوارع بالسيارات تعد أزمة الطرق والازدحام …

24 تعليق

  1. محمد بسيونى

    مش وقته خالص

    مش وقته لأنك بتزرع فى ارض غيرك – ممكن ده يحصل بعد منستلم مصر من ايد الحرميه الكرشهم اتملت بفلوسنا إلاهي ربنه يخدهم اخذ عزيز مقتدر و الجيش اللابد فيها

  2. الله معك يا حبيب اخوك

    مشروووع تحفه ……..يارب يتم بناؤه عشان الخير يعم علي البلد وعليا وعلي صاجب المشرووووع 🙂

  3. البيروقراطية المصرية العقيمة

    انا ما اعرفش تفاصيل المشروع ولا امكانية تنفيذه….لاكن احيى هذا الشاب لحسه الوطنى وثقته فى نفسه وعلمه اخشى عليه من اليأس ومتاهات البيروقراطية المصرية العقيمة الطاردة للكفاءات والمحطمة للهمة مع وجود كثيرون لا يهمهم الا مكسبهم حتى لو ادى الى سقوط المشروع……..ربنا معاك

  4. دينا محمد مصطفى

    انتو ناس بتحب البلد

    الصراحه الواحد مش عارف يقول ايه المشورع ممتاز من الجانب السياحى اللى التيارات الاسلاميه عايزة تخربوا على دماغنا وعلى ما اظن الناس هنا مش هتبقى محتاجه لا تلبس ميوهات ولا تشرب خمرة طبعا …………..
    وبعدين هيكون فيه دخل مناسب شهريا كمان زى مانتو وضحتوا ودة يدل على انكم دارسين المشروع بطريقه ممتازة……………..
    وثالثا ان دة هيرجع ولو جزء بسيط من جمال المحروسه اللى ضيعه الحكم العسكرى واهدر روح مصر فى جمالها من بعد انتهاء الحكم الملكى البلد بقى شكلها سىء جداااااااااااااااااااا للاسف مع ان عندنا الامكانيات اللى تخلينا احسن بلد على مستوى العالم ……………
    ربنا معاكم واحنا كمان معاكم انتو ناس محترمه وبتحب البلد ………..
    انتو النموذج اللى يستاهل ان الشعب يقف وراة ويساندة <3

  5. الفكره جامده جدا,بس..

    الفكره رائعه بس من وجهة نظرى لدينا عائق..اعتقد ان هذا سوف يعيق حركه مرور المراكب و اليخوت من اسفل الكبارى..ارجوا اعادة النظر فى هذه النقطه الهامه..وشكرا

  6. مشروع جميل بس المراكب هتعدى إزاى من تحت الكوبرى هتغرق

    مشروع جميل بس المراكب هتعدى إزاى من تحت الكوبرى هتغرق

  7. شريف العنانى

    فكرة مضافة

    الفكرة جميلة وعلشان نتفادى مرور المراكب اسفل الكوبرى ممكن المشروع يتنفذ وسط الكوبرى ونترك مساحة من اليمين والشماللحركة مرور المراكب

  8. حلو بس فى حاجة

    مع احترامى للفكرة الجامدة و المجهود اللى بذلته، أعتقد و ممكن أكون غلط، إن قبل ما يتعمل مشروع زى ده الأول البلد تتخطط صح و يتنفذ التخطيط صح و بعدين نعمل المشروع على كبارى التخطيط الجديد، عشان أنا لسه عندى أمل إننا نعمل الصح و نخطط القاهرة كويس. إنما لو إتعمل على الكنافة اللى إحنا عاملينها ف البلد دى هيبقى أصعب طبيعى إننا نشيل كله و نخطط فلو سمحت لو يعجبك الموضوع بما إنك مهندس معمارى إيه رايك تعمل دراسة تفصيلية لإعادة تخطيط القاهرة على أساس سليم و تعمل دراسة المشروع العملاق ده بالتفصيل و ربنا يجازيك خير و لكل مجتهد نصيب فما تيأسش و محدش يعرف ربنا هيجازيه بإيه. 🙂

  9. فى افكار احسن

    كويس اننا بدأنا نفكر نبنى بلدنا..لكن من رأيى
    مش وقته نعمل المشروع دة خالص لأن فى عشوائيات كتير وناس فقرا كتييير مش عارفة تعيش ومش لاقيين ياكلوا يعنى اللى بيتفرج على برنامج عمرو الليثى هيفهم ان اى قرش محتاجين نصرفه على الفقرااااااا اولا..
    ثانيا: المراكب هتعدى ازاى من تحت الكوبرى؟
    ثالثا: فى اقل من سنة الحاجات دى هتبوظ لأن فى ناس كتير هتكسره او يرموا عليه حاجات
    رابعا:انا حاسة انه ممكن يكون سبب لحوادث طرق كتييييير
    تخيل لو حد سرح وهو بيتفرج عالدولفين هنلاقى كل العربيات بتخبط فى اللى اودامها او بتخبط فى الكوبرى يعنى احتمالية الحوادث هتزيييييييييييد و المفروض اللى سايق مينشغلش بأى حاجة فى الطريق..خصوصا بقى ان الحاجات دى هتبقى بتتحرك فهتعمل زى تشتيت للانتباه و الشعب المصرى مش ناقص
    ياريت تتقبل كلامى..
    لكن احسن ما فى الموضوع اننا بدأنا نفكر بجد
    ياريت نحاول نفكر فى مشاريع مفيدة تانية وشكرااا

  10. أحمد فؤاد عطية

    أكثر من رائع ولكن …

    السلام عليكم ورحمة الله وبركاته
    المشروع أكثر من رائع وانا كمهندس مدنى احب اقول من واقع خبرتى المتواضعة انه مشروع حلو جدا وكمان تنفيذه سهل مش صعب وفكرته حلوة جدا جدا ما شاء الله
    اما بالنسبة للتيار الاسلامى اعتقد انه حيبارك جدا مشروع زى ده وخاصة انه حيعرض ان شاء الله اعلانات محترمة وهادفة وممفيهاش قلة أدب ولا خلاعة وبالتالى ليه لأ؟؟؟
    ولكن …
    فى رأيى الشخصى ان المشروع وقته لسه مجاش لاننا المفروض نهتم بالاساسيات الاول وبعد كدة نهتم بالتجميل.
    فى النهاية أحيى بشدة صاحب فكرة المشروع العبقرى ده واتمنى له التوفيق بإذن الله تعالى.

  11. مشروع جميل بس الاهم نبنى البلد اللى على وشك الانهيار دى

    بلدنا محتاجة لحاجات من وجهة نظرى اهم نبنيها وبعد كده نجملها ربنا يسترها على البلد فى ناس مش لاقية تاكل وفى ناس معاندهاش اربع حيطان يدارو فيها شباب مش لاقى شغل عندك طاقات وعقول زى عقل حضرتك مقيدة مدفونة اظن دول اهم واولى

  12. محمود جابر

    الله ينور بجد

    والله يعنى كفايه التفكير لوحده فى انك تعمل حاجه زى دى دى فى حد ذاتها شئ جميل جدا ربنا يعينك يا رب ويوفقك بس اسف ليا تعليق ممكن يكون سبق واتقال انه ممكن من الاعلانات ممكن فعلا حد يسرح وتحصل حوادث انا مش بسبق الاحداث بس بقول ممكن والله اعلم فى النهاية جزيل الشكر ليك وبالتوفيق ان شاء الله

  13. حاجة مفخرة

    اقسم بالله العلي العظيم لو املك تكلفة المشروع سوف اساعد هذا العبقري الفذ الذي طالما هو خائف على بلده ويريد ان يري بلده من البلدان المخترعة في المجالات السياحية العميقة والله يا مصر انك لن تقلي مكانة ولا اهمية ولا خيرة ولا خبرة ولا جمال عن باقي بلدان العالم المتطور
    ربنا معاك يا باش مهندس يا عبقري اتمنى ان اتشرف بمعرفتك

  14. راي طالب بالهندسة المعمارية

    كويس انك فكرت كدا وبجد سعيد جدا ان في ناس بتفكر كده لكن انا مش عاجبني المشروع
    وهيعمل تكلفة زياده علي الفاضي و العائد المادي ممكن يجي من غير الدلافين اصلا لان الاعلانات مش مرتبطه بالدلافين وبالنسبة لباقي النس ياريت لو اتعمل مسابقة معمارية عن الموضوع دا هتشوفوا عقليات جميلة جدا ومشاريع ملهاش حل مع احترامي للمعماري عبدالله انا مش عاجبني المشروع 🙂 وعلي فكرة انا طالب بالهندسة المعمارية

  15. فكرة رائعه

    الفكرة رائعة جدا بس هل تعتقد ان الحكومة المصرية هتديلك الحق ف انك تنفذه ف املاك عامة وهل ياتري الارباح بتاعته مضمونة انها تغطي رأس المال ؟؟؟؟ كل ده مدروس ؟؟؟ بس الله ينور عليك الفكرة جامده جدا

  16. الدولفين المصرى

    ما شاء الله

  17. مش محتاج شركات (نظام اسهم)

    ممكن تعمل المشروع ده علس اساس نظام اسهم مع اشخاص ويستفادو من الربح شهريا يعني تعمل نظام اسهم بخمسة الاف مثلا يعني عاوز 150 شخص يشاركو وبعد كدة الارباح لو عاملة 750 الف بس شهريا بعد المصاريف يبقي كل فرد هايستفيد ب 1000 جنيه شهريا يعني يضمن مرتب ثابت جنيا اللي راتبه من الوظيفة ومشروع ممتاز واحييك عبدالله

  18. اتنفذت قبل كده

    اتنفذ فى كوريا الجنوبية

    جسر النافورة- سيؤل – كوريا الجنوبية يعنى مش من ابتكاره بس ربنا معاه ويارب يتنفذ فى مصر

  19. http://www.mawhopon.net/ver_ar/news.php?news_id=4968

    انا معاك يا عبد الله وبجد انا معاك عشان الفكره دي تغير منظر مصر للاحسن وان شاء الله ربنا يوفقك عشان انت شاب مجاهد ويا ريت كل المصريين يهتموا ببلدهم
    عشان مصر تكون ام الدنيا بجد وعشان السياحه تنشط من جديد
    وبالتوفيق والنجاح ان شاء الله

  20. بنك الأفكار

    نتبني الأفكار الجديدة في ( بنك الأفكار )

    نتبني الإختراعات والإبتكارات والأفكار التنموية في جميع مجالات الحياة ونساعد علي تصنيع النماذج من خلال وزارة البحث العلمي والمركز القومي للبحوث والتمويل من خلال وزارة التعاون الدولي والصندوق الإجتماعي للتنمية والتطبيق من خلال جميع الوزارات المصرية والقطاع الخاص والظهور الإعلامي من خلال جميع وسائل الإعلام …
    ( 01227501494 ) bank.elafkar@yahoo.com
    https://www.facebook.com/photo.php?fbid=358387170889902&set=o.88212344995&type=3&theater

  21. محمدعاصم الخفة

    التقليد

    اذا لم تنفذ هذة الفكرة بسرعة فسوف تقوم جهات فى نفس المجال لتحويرها وتعديلها وتحويرها واستغلالها فاسرع

  22. هيثم الشبراوى

    اريد تنفيذه فى الاسكندريه

    اريد تنفيذ هذا المشروع الرائع فى الاسكندريه لذلك اريد دراسة جدوى بالتكلفه والارباح لتنفيذ المشروع فورا وارحب باى شخص يريد ان يشارك

  23. مااحلى الابداع

    مشروعك تحفه ……..يارب يتم بناؤه لجمالية البلد ويدر وعلي صاجب المشروع واود ان تراسلني واعمل اول اعلان هنا بالعراق وكم يكلف والمردود المالي يعود لكم وشكر

  24. Hello

    مرحبا عزيزي،
    أنا ماري رأيت بروفايلك
    وتصبح مثيرة للاهتمام
    يرجى ط سوف مثلك في الاتصال بي
    مع عنوان بريدي الإلكتروني
    (marieannan3@yahoo.com)
    أنا سوف اقول لكم المزيد عن نفسي وأيضا
    اعطيكم صورة بلدي بالنسبة لك أن تعرف منهم
    أنا am.i أنتظر لبريدك الالكتروني الى بلدي البريد الوارد.
    لك ماري